“İki dəfə Sovet İttifaqı Qəhrəmanə Həzi Əhəd oğlu Aslanovun Xatirəsi”nə həsr olunmuş Futzal üzrə regional Keçici Kubok Yarışları
Lənkəran Bələdiyyəsinin təsis etdiyi və Cənub RFF-nin təşkilatçılığı ilə“İki dəfə Sovet İttifaqı Qəhrəmanə Həzi Əhəd oğlu Aslanovun Xatirəsi”nə həsr olunmuş Futzal üzrə regional Keçici Kubok Yarışları 2008-i ildən başlayaraq ənənəvi keçirilməkdədir. Yarışlarda cənub regionunu əhatə edən rayonlardan (Astara, Lerik, Lənkəran, Yardımlı, Masallı, Cəlilabad, Biləsuvar, Salyan, Neftçala) həvəskar futzal komandaları kubok uğrunda əzmlə mübariza aparırlar. Artıq 2-ci dəfə keçirilən turnirdə Lənkərandan olan “Səhər” (2008-ci ilin qalibi) və eyni tərkibdə lakin yeni adla çıxış edən “Veteran” Futzal Komandası 2009-cu ilin də qalibi olmuşdur. Yarışlar Lənkəran Olimpiya İdman Kompleksində keçirir.
“28 may Azərbaycan Xalq Cumhuruyyətinin ildönümünə həsr olunmuş”
Lənkəran Məktəblilərinin ənənəvi keçici kubok yarışları 1990-2009
ÜÇRƏNGLI BAYRAĞIMIZIN DALĞALANDIĞI ILK TURNIR!!!
28 may Azərbaycan Xalq Cumhuruyyətinin ildönümünə həsr olunmuş” ənənəvi keçici kubok yarışları Cənub RFF-nın Prezidenti Sakin Məmmədzadənın təşkilatçılığı ilə 1990-cı ildən başlayaraq ənənvi keçirilir və üçrəngli bayrağımızın məhz ilk dəfə 1990-ci ildə bu turnirdə dalğalandığı və dövlətimizin rəmzləri əks olunmuş keçici kubok da elə həmin ildə təsis edilmişdir Turnirdə bu vaxta qədər. Iştirak etmiş Lənkəranın şəhər və kənd məktəblərinin futbol komandaları arasında qalib olmuş komandalar:
1990-cı il – 134 saylı TP məktəbi
1991-ci il – 1 saylı orta məktəb
1992-ci il – 2 saylı orta məktəb
1993-cü il – 1 saylı orta məktəb
1994-cü il – 4 saylı orta məktəb
1995-ci il – 4 saylı orta məktəb
1996-cı il – 9 saylı orta məktəb
2006-cı il – 2 saylı orta məktəb
2007-ci il – 5 saylı orta məktəb
2008-ci il – 10 saylı orta məktəb
2009-cu il – 10 saylı orta məktəb
Ilk dəfə olaraq 2008-ci ildə keçirilən turnirdə daha çox məktəb – 50 orta məktəb komandası 6 zona qrupunda mübarizəyə qoşulmuşdur.
“1 iyun Uşaqların Beynəlxalq Müdafiəsi günü”nə həsr olunmuş
ənənvi, regional “Finca-Kuboku” yarışları
Cənub RFF-nin təşkilatçılığı və “Finca-Azərbayca” təşkilatının sponsorluğu ilə “1 iyun Uşaqların Beynəlxalq Müdafiəsi günü”nə həsr olunmuş ənənvi, regional Finca-Kuboku” yarışlarında cənub regionunun (Astara, Lerik, Lənkəran, Yardımlı, Masallı, Cəlilabad, Biləsuvar, Salyan, Neftçala) rayonlarından yeniyetmələrdən ibarət yığma futbol komandaları iştirak edirlər. 2008-dən keçirilməyə başlanmış turnirdə bu ildə “Xəzər-92” FK-sı qalib adını qazanmışdir. Artıq 2-ci ildir ki, keçirilən turnirin bütün iştirakçılarına Cənub RFF və “Finca-Azərbayca” təşkilatı tərəfindən hədiyyələr paylanmış və uşaqlar üçün əyləncəli, musiqili şənliklər keçirilmişdir.
“Cənub Regionunda – Açıq Əyləncəli Futbol Məktəbi” Layihəsinin cənub regionunda təşkili
Artıq bir neçə ildir ki, UEFA-nın təşkilatçılığı ilə “Açıq Əyləncəli Futbol Məktəbi” layihəsi cənub regionunun rayonlarında təşkil olunur. Bu məqsədlə”Cənub RFF-nin təşkilatçılığı ilə regiondan olan uşaq futbol məşqçıləri Gürcüstan Respublikasında təşkil edilən seminarlarda iştirak edirlər. Layihənin keçirilməsində məqsəd uşaq futbolunun inkişafına dəstək göstərmək, məşqçilərin elmi-metodik biliklərinin və peşəkarlığının artırılması, futbolun kütləviliyinə nail olmaqdır.
“Cənub Mirvarisi” Regional Futbol Çempionatı
Yarışların Rəsmi Sponsoru “Xəzər-Lənkəran” FK
Azərbaycan Respublikası Prezidenti İlham Əliyev cənablarının imzaladığı 10 oktyabr 2004-cü il tarixli 1038 saylı fərmanına əsasən “Azərbaycanda Futbolun inkişafına dair Dövlət Proqramı”nın müddəalarının həyata keçirilməsi, Azərbaycan Futbolunun inkişafı, gənc və istedadlı futbolçuların askara çıxarılması onların peşəkarlığının artırilması məqsədilə Cənub RFF-nin və “Xəzər-Lənkəran” FK-nun birgə layihəsi olan “Cənub Mirvarisi” Futbol Çempionati 2007-ci ildə 1994/95-ci il təvəllüdlü yeniyetmələr və 2008-ci ildə 1995/1996-ci il təvəllüdlü yeniyetmələr arasında uğurla həyata keçırilmışdir. Çempionatda cənub regionunun (Astara, Lerik, Lənkəran, Yardımlı, Masallı, Cəlilabad, Biləsuvar, Salyan, Neftçala) rayonlarından yeniyetmələrdən ibarət yığma futbol komandaları iştirak edirlər. Çempionat 2 dövrə olmaqla bütün il boyu təşkil olunur. 2007 və 2008-ci illərdə keçirilmiş çempionatlarin qalibi “Xəzər-Lənkəran” futbol komandası olmuşdur. 2008-ci ildə keçirilmiş çempionatın qalibləri 15000 tamaşaçı önündə Azərbaycanın Tanınmış futbolçusu, “Şöhrət ordenli”, RFF-nın prezidenti İsgəndər Cavadov, tanınmış futbolçular İqor Panomaryov, Maşallah Əhmədov, Oqtay Abdullayev və beynəlxalq dərəcəli hakim Tahir Süleymanov və digər qonaqlar tərəfindən təltif edildilər. Qaliblər “Xəzər-Lənkəran” stadionunu fəxri dövrə vuraraq öz qələbələrini bayram etdilər. Mərasim AZ.TV dövlət telekanalı ilə canlı olaraq yayınlanırdı.
“DANONE Kuboku uğrunda” Yarışların zona üzrə qalibi “Xəzər-92” komandası oldu
“Danone” şirkətinin və AFFA-nın birgə təşkilatçılığı ilə keçirilən “Danone Kuboku Uğrunda” yarışlarının cənub zona mərhələsi Yardimlı rayonunda keçirildı. Turnirdə cənub regionunun (Astara, Lerik, Lənkəran, Yardımlı, Masallı, Cəlilabad, Biləsuvar, Salyan, Neftçala) rayonlarından yeniyetmələrdən ibarət yığma futbol komandaları iştirak etdilər. “Danone Kuboku Uğrunda” yarışlarının cənub zonasi üzrə qalibi adına Lənkəranın “Xəzər-92” komandası layiq görüldü.
“Pleystation-2” Futbol yarışlarının ilk qalibi müəyyən olundu!
“Məşhur Futbol Ulduzu Maşallah Əhmədovun 50 illik yubileyi” keçirildi
“Məşhur Futbol Ulduzu Maşallah Əhmədovun 50 illik yubileyi” münasibəti ilə əlaqədar Cənub RFF-nin Prezidenti bütün futbol sevərlər adından yubelyarı təbrik edərək ona azərbaycan Futbolunun İnkişafi yolunda göstərdiyi xodmətlərə görə Cənub RFF-nin fəxri diplomu və rəsmi həkk edilmiş qiymətli xalça hədiyyə edildi. Cənub RFF-sı olaraq bir daha Maşallah Əhmədovu 50 illik yubileyi münasibəti ilə təbrik edirik.
“31 Dekabr Dünya Azərbaycanlılarının Həmrəyliyi günü”nə həsr edilmiş futzal turniri
“31 Dekabr Dünya Azərbaycanlılarının Həmrəyliyi günü” münasibəti ilə 31 dekabr 2007-ci ildə Cənub RFF-sı və Dövlət İşçiləri, Xidmət İşçiləri Həmkərlar İttifaqı şəhər komitəsinintəşkilatçılığı ilə Lənkəranda fəaliyyət göstərən Bank şöbələri arasında futzal turniri keçirilmişdir. Turnirdə ACCESS bank, Bank of Baku, Bank Standart, Azərdəmiryolbank, Əmrah bank, Rabitə bank, Milli və Aqrobank şöbələri iştirak etdilər. Futzal turnirində 10-a yaxın komanda(2 yarımqrupda- 5 komanda) olmaqla birincılik uğrunda mübarizə aparmışlar. Futzal turnirinin qalibi adına“Bank-Standard” komandası layiq görüldü.
LƏNKƏRANDA“TOPFESTIFALI”
Lənkəranda2008-ci ildə daha bir layihə - AFFA və “HYUNDAİ Avto-Azərbaycan”-nın birgə təşkilatçılığı ilə “Top Festifalı” keçirildi. Lənkərandan və ətraf rayonlardan məktəblilərin qatıldığı tədbirdə top çıləmək qabiliyyətini 320 uşaq nümayış etdirdi. Şəhər İcra Hakimiyyəti başçısı Süleyman Mikayılov cənablarının dəstəyi ilə “Heydər Əliyev” meydanında keçirilmiş tədbirin münsiflər heyətində AFFA-nın Baş katibi Elxan Süleymanov, RFF-nın Prezidenti, AFFAnın İcrayə Komitəsinin üzvü İsgəndər cavadov, Əməkdar İdman xadimi və Əməkdar məşçi Siyavuş İbrahimov, Beynəlxalq dərəcəli hakim Rüstəm Rüstəmov və digərləri istedadları üzə çıxarmağa çalışmışlar.
2008-ci iln Hesabatı. Cənub RFF-nin növbədənkənar Ümümi Yığıncağı
Cənub RFF-nin 2008-ci il dövründəki fəaliyyəti haqqında hesabatın verilməsi və Ümümi Yığıncağın növbədənkənar iclasinin keçirilməsi məqsədilə 2009-cu ilin 1-ci ayinda Lənkəran Dövlət Universitetinin akt zalında Cənub regionundan olan futbol ictimaiyyətinin, dövlət və digər təşkilatların və eləcədə KİV-nin iştirakı ilə konfrans keçırıldi. Konfransda Cənub RFF-nin Ümümi Yığıncağının tərkibinin yenidən formalaşdırilması, 2008-ci ildə keçirilmiş tədbirlər, və futbolun problemləri ətrafinda geniş miqyaslı çıxışlar dinlənildi və Ümümi Yığıncağın tərkibinə əlavə və dəyişiklərin edilməsi ilə əlaqədar qərarlar qəbul edildi və tədbir iştirakçıları Cənub RFF-nın 2006-2008-cı illərdəki fəaliyyəti ilə əlaqədar hazırlanmış video çarxa da baxıldı. Tədbirdə AFFA-nın rəsmı nümayandələri RFF-nın prezidenti, AFFA-nın İcrayə Komitəsinin üzvü, “Şöhrət ordenli” İsgəndər Cavadov, RFF-nin əməkdaşları beynəlxalq dərəcəli hakim Tahir Süleymanov və Füzuli Nəcəfov regionlarda futbolun inkişafı, Cənub RFF-nin fəaliyyəti haqqında çixişlar etdilər. Tədbirdə uşaq futbolunun inkişafinda fərqlənən vutbol veteranlar, məşqçilər, təşkilatlar diplomlar və hədiyyələrlə təltif edildilər. Sonda Cənub RFF-nin 2008-ci ilin yekunlari ilə əlaqədar keçirdiyi sorğunun nəticələri açıqlandı.
