MƏMMƏDZADƏ SAKIN MƏMMƏD OĞLU.

10.06.1960-cı ildə Lənkəran şəhərində anadan olmuşdur.
1977-ci ildə Lənkəran şəhər 2 saylı orta məktəbi bitirmişdir.
1980-82-ci illərdə ordu sıralarında xidməti borcunu yerinə yetirmişdir.
1983-87–ci illərdə Azərbaycan Dövlət Pedaqoji Universitetinin "Fiziki Tərbiyə və Gənclərin Çağirışaqədərki Hazırlığı” ixtisasını bitirmişdir.
Uşaq yaşlarından idmana böyük həvəs göstərmiş və 1983-cü ildə boks idman növü üzrə SSRİ İdman Ustası normasıni ödəmiş, 2000-ci ildə bu idman növü üzrə Beynəlxalq dərəcəli hakim adina layiq görülmüşdür.
1992-95-ci ildən "Xəzər” İdman Klubunun Prezidenti kimi Azərbaycanın İlk Milli Futbol Çempionatının Güclülər Dəstəsində "Xəzər” Futbol Komandasına, eyni vaxda 1-ci dəstədə klubu təmsil edən, gənc futbolçulardan ibarət "Çeşmə” Futbol Komandalarına rəhbərlik etmişdir. Onun rəhbərliyi altında "Xəzər” Futbol Komandası 1994-cü ildə Azərbaycan Kubokunun finalçısı olmuşdur. "Çeşmə” Komandası isə 1993-cü ildə bürünc mükafatı qazanmışdır.
1993-95-ci illərdə yaradılmiş Cənub Regional Futbol Federasiyasında ictimai əsaslarla fəaliyyət göstərmişdir.
Sakin Məmmədzadə 1995-cü ildən Lənkəran Dövlət Universitetində "Fiziki Tərbiyə və Gənclərin Çağirışaqədərki Hazırlığı” kafedrasını yaratmış və 1999-cu ilədək kafedraya rəhbərlik etmişdir.
LDU-da tələbə futbolçulardan ibarət "LDU-Xəzər” Həvəskar Futbol Komandasını yaradaraq, hələ o dövrdə Azərbaycanın Milli Futbol Çempionatında iştirak edən ilk Universitet komandasını formalaşdirmışdır.
2005-ci ildən Lənkəran Dövlət Universitetinin dosentidir. Onlarla elmi məqalələrin və metodik vəsaitlərin müəllifidir.
Ailəlidir, 4 övlad atasıdır.